ليه كتاب "برهان الإتقان" عبارة عن كنز لأي حد مهتم بحفظ القرآن الكريم أيا ما يكن مستواه أو مقدار حفظه؟
لأسباب كتير الحقيقة منها:

1ـ الكتاب بهذه المنهجية غير مسبوق فيما أعلم، يعني هو أول كتاب في هذا الباب بهذا الشكل.
2ـ شموليته، لا يوجد وجه واحد في القرآن الكريم من أوله إلى آخره لم ترد منه أسئلة.
3ـ تدرجه، هتلاقي المستوى الأول في كل جزء سهل جداااا، بينما المستوى السابع بيكون صعب جداااا واللي يجاوبه أشهد ليه بالإتقان العالي جدا، ومن الأول للسابع أنت في تصاعد ممتع من حيث الصعوبة. (كل جزء ليه عشر اختبارات، 3 غير تراكمي، و 7 تراكمي).
4ـ لو عندك اختبار، أو مسابقة، سواء في أكاديمية، في ثانوية أزهرية أو كلية شرعية، أو مسابقة محلية أو دولية، فالكتاب ده لو استعملته صح يضمن لك إنك لو مكنتش الأول فأنت قطعا من الأوائل.
5ـ تنوع الأسئلة فيه، يعني هتلاقي طبعا أسئلة سرد، ده طبيعي، وأسئلة متشابهات، هتلاقي أسئلة بالكلمة، وأسئلة بالجملة، هتلاقي أسئلة: اختر الإجابة الصحيحة مما بين الأقواس، وهتلاقي أسئلة أجزم إنها ما مرتْ عليك في حياتك، وده بإجماع كل المتخصصين اللي رأوا الكتاب.

بتذكر إني في مرة لقيت مذكرة على الإنترنت فيها أسئلة في القرآن الكريم، أسئلة عشوائية على كامل القرآن، من فرحتي بيها ـ لعدم شيوع مثل هذا على الأقل وقتها ـ روحت طبعتها واحتفظت بيها. ومع ذلك اعتبرتها كنز، ما أزال لليوم محتفظ بيها، رغم إنها زي ما قلت لك أسئلة عشوائية وبعضها مكرر داخل المذكرة نفسها.
فلو قارنت ده بالكتاب المنهجي، الموضوع من متخصصين، المتدرج، المتنوع، عرفتَ قيمته، فالحمد لله الذي وفقنا لصنعه، وأعاننا على تمامه